شعر: صالح الشادي
وجه البلد شوفوه زان وتورد
وروح الشباب استوطنت في عروقه
والصبح صبح المجد فينا تجدد
وأحلى صباح سرنا في شروقه
ابن الزعيم الصيرمي يا أخطل اليد
ونسل الإبا والعز وأعذب عذوقه
عن هيبته يحكي لنا شامخ الحد
وعن طيبته فوق محد يفوقه
عهد جديد وسيده وافي العهد
ومستقبل بالخير لاحت بروقه
يا كبر حظ المملكة في محمد
حبيبها اللي حطها وسط موقه
وعن نظرته بعيدة ما لها حد
وعن سيرته صعب الصعب ما يعوقه
عضيد ملك غرته شمس ممتد
ما تلحقه الأوصاف دايم لحوقه