دار النبي لك فالليال شروق
وحكايتك والدين ماريه
وأبو بكر والغار والفاروق
والدين وإنّا به سواسيه
لا قالوا الله نصير حلوق
دام الرسالة ذي سماويه
دارٍ سماها نابت رقروق
والأرض تزهر بالسنافيه
يا ديمها لك بالسحاب عذوق
يمطر وينبت بالغلا فيه
يا نجد شيلي الغلا طاروق
لا من غدت قبلتك غربيه
وتيممي من صبحك المفتوق
من كل هالأبيض بهالنيه
أنتي ولا لك بالشبه مسبوق
ما يشبه.. حتى ولا زيه
كن الفضا من مهجتك معتوق
ومن مهجتك يا بيض أياديه
وفوقك ولا حتى لغيرك فوق
إلا الله الأعلى وكرسيه
وتبسمي ما فاتنا ملحوق
تضحك معك عشرين وسميه
والخالق اللي سخر المخلوق
يهيم بك في كل أغانيه